Ikan pan nemu reti begempung

SEKEDA ikan udah ulih orang ba menua ulu.

ENDANG sigi diajar orang tuai maya kitai agi mit enda ngasuh tauka nagang ngereja pengawa ti jai, ti bechiping.

Sida keran ngajar kitai awakka semampai negika pengelurus,anang nipu tauka mudi orang.

Kitai diajar awakka lurus ati dalam semua pengawa enggau ulah.

Kebuah pia, awakka kitai ulih ngelipak diri ari ulah jai ti ulih ditipak enggau utai jai tang ulah ti manah deka ditipak enggau pemanah.

Nya alai mayuh ensera ti ditusi sereta lalu digaga nyadi bup ngundan ensera ti pulai nyadi pelajar kitai mensia.

Ambika banding tuju kuing ensera pasal jelu nubai enggau pedua ke balat bechiping, iya nya pedua Badak dikumbai mit kelikit besai kelikai Nya endang nitihka banding semua pengawa kitai mensia ti diau begulai enggau pangan diri ba sebarang alai endur.

AJAR NYADI LALAU

Ajar tu tau bendar pulai nyadi lalau nembiak sekula ti benung belajar, awakka pulai ngagai pemanah ati, pengelurus runding, pemanah pengawa dalam sekula, lalu ngasika ajar pengajar enggau semua orang ke besai tuai sereta bebasaka diri sama bela.

Nya endang amat. Ambika banding, dalam ensera jelu nubai ba seiti sungai ti ditampung ari seiti peturun ngagai peturun entudi nya, berupai bendar
bala jelu nya amu magang, lalu mina berundingka diri empu aja.

Sida nadai mantah jaku Badak ke madah pedua nitih pemesai tubuh.

Mina tudah Pelanduk aja ke bejaku, tang lalu diperak Babi. Nya ngayanka sida nadai berundingka budi Pelanduk seduai Tekura ke udah ngibun salai sida lalu munuh Antu Raya.

Tang ba pengujung ensera nya, sida bukai rugi magang laban untung sida dibai Pelanduk seduai Tekura magang.

Sida alah laban pemintar jelu dua iku nya ke udah pedis ati ditipu sida.

Nya alai reti pusin ensera nya pengawa ti jai sigi bepengujung jai, pengawa ti manah endang bisi tipak ti manah kena malas pemanah nya.

BETAMPUNG BA LAMBAR 32

Oleh TELESA EMPERAN