Bujang Berani Iban II

TALUKKA MENUA… Bala pemesai opis RASCOM jeman perang Komunis Sarawak 1963 -1972.

TUSUN KE-52

JEMAN perintah Raja Brooke Bujang Berani Iban selalu disebut Orang Putih ‘Iban fears no tribes; the most feared headhunting tribes & The Vikings of the East’.

Sir Malcom John MacDo- nald (Commissioner-General British For South East Asia) numbuhka sedadu Iban Trac-kers 1948 ti betuaika Penghulu Jinggut Anak Penghulu Atan ari Kapit, Sarawak.

Jeman Emergency Malaya, Bujang Berani Iban ti tebilang dikangauka orang indu, ‘Bujang Malaya’; sida tu mih dua pelatun Iban Trackers / Sarawak Rangers ti nyadi 1st Manchester Regiment & 1st Experimental Platoon taun 1953; 1st South East Asia Elite Force lalu nerima puji ari Sir Gerald Templer; ‘World Best Fighters’, ku iya.

Jeman Konfrontasi Malaysia- Indonesia, Presiden Soekarno mega nyebut, “Military Iban came uninvited, now go all tenteraku lost his life – a lot of divorced body and head. They were so fast that the human eye cannot see”.

BEMUNSUH NGELABAN

PARAKU & PGRS

Sebedau aku mai pemacha mansik pasal ‘perjuangan’ sedadu Borders Scouts, Sarawak Rangers (Malaysian Rangers) jeman perang Komunis Sarawak, aram kita meda dulu sejarah tauka pun laya Perintah Malaysia di Sarawak enggau gerila Gerempung Komunis Sarawak ti bepun ari gerempung ‘Pasukan Rakyat Kalimantan Utara (PARAKU)’ enggau ‘Pasukan Gerila Rakyat Sarawak (PGRS) @ Sarawak People’s Guerillas Forces (SPGF)’.

Gerempung Komunis Sara-wak (The Sarawak Communist Movement) mega setanah enggau Presiden Indonesia, Sukarno; sama mantah penumbuh menua Malaysia 16 September 1963. Komunis Sarawak semina nyukung lalu deka meda semua nengeri di Borneo ti dipegai British numbuhka menua North Kaliman- tan. Idea tu mega datai ari A. M. Azahari, ti nyadi Kepala Parti Rakyat Brunei (Brunei People’s Party) ti bekaul enggau Presi- den Sukarno di Pulau Jawa taun 1940.

Udah rayat ‘Brunei Revolt’ ti betuaika A. M. Azahari alah ba taun 1962, Perintah British Borneo begulai engggau Polis ‘Malaysian Special Branch’ nangkap lebih 700 iku kaban Gerempung Komunis Sarawak ti masuk gerempung ‘North Kalimantan Communist Party’: ‘Pasukan Gerila Rakyat Sarawak (PGRS)’ enggau ‘The North Kalimantan People’s Army (PARAKU)’.

Sedadu PGRS @ SPGF ditumbuh kena 30 March 1964 ba Gunung Asuansang di Kali- mantan Barat betuaika Ke- pala SPGF / PGRS nyengkaum Bong Kee Chok, Yang Chu Chung enggau Wen Ming Chyuan. Maya nya bala PGRS bisi 800 ti bepengkalan ba Batu Hitam di Kalimantan Barat ti dibantu 120 iku pera-nak menua Indonesia. Parti Komunis Indonesian (PKI) mega bisi datai maya nya ti betuaika Sofyan. Bala PGRS suah ngayau ke Sarawak tang suah agi sida ngiga kaban lalu numbuhka pampang penyukung sida di Sarawak.

PRESIDEN SUKARNO

‘ANTI-WESTERN’

Nitihka ripot penulis Will Fowler, Gerila Gerempung Ko- munis Sarawak nerima latih nitihka chara gaya sedadu ba kem Sedadu di Indonesia. Maya nya, Presiden Sukarno endang orang ti nyukung idea Komunis China sereta enda rinduka Orang Putih ‘Anti-Western’. PKI bekereja- sama enggau Sukarno ti mantah penumbuh menua

Malaysia ti dikumbai sida ‘Neo-Colonialist Conspiracy’ lalu nyukung serakup semua nengeri di Borneo ti dikuasa British nyadi sebuah menua ti meredeka ti deka ditumbuhka sida Kalimantan Utara. Nambahka nya, Gerempung Komunis Sarawak udah ngaga pelan deka ngayau Balai Polis lalu nyerang ngena chara ngenyit raban sedadu Malaysia nunda chara ti digaga Parti Komunis Malaya maya Emergensi Malaya 1948.

Maya nya mega, ‘The North Kalimantan People’s Army’ @ Pasukan Rakyat Kalimantan Utara (PARAKU) udah ditumbuhka Bong Kee Chok semak Sungai Melawai di Kalimantan Barat lalu dibantu Parti Komunis Indonesia kena 26 Oktober 1965. Maya nya SPGF @ PGRS ti betuaika Komander Yang bejalaika pengawa sida di Barat Sarawak lalu NKPA @ PARAKU bejalaika pengawa sida di Timur Sarawak. Raban sedadu gerila NKPA @ PARAKU betuaika Lam Wah Kwai lalu udah nya diganti Bong Kee Chok. Nitihka rekod penulis, Kenneth Conboy, Soebandrio betemu enggau Kepala Gerempung Komunis Sarawak di Bogor. Udah nya Nasution nganjung pelatih sedadu ari Regimen Para Komando Angkatan Darat (RPKAD) Battalion ke Nangabadan semak garis menua Sarawak lalu ngelatih urung 300 iku gerila Gerempung Komunis Sarawak.

Menua Indonesian ti betuai- ka Presiden Sukarno maya nya ngaga pelan deka nguna sedadu Komunis Sarawak ngambu dulu ngayau Sarawak jeman Konfrontasyen Indonesia-Malaysia ‘Ganyang Malaysia’
Kayau keterubah raban Gerempung Komunis Sarawak (SCO) selalu diuluka Kepala Sedadu Indonesia ‘Non-commissioned officers’ ari ‘The Marine Commandos (Korps Komando Operasi, KKO), The Army Para-Commandos (Re- gimen Para Kommando Angaton Darat (RPKAD)’ enggau ‘The Air Force Paratroopers (Pasukan Gerak Tjepat, PGT)’.

Antara taun 1965 ngagai 1990, Gerempung Komunis Sarawak majak chakah nge- laban sedadu Malaysia (Malaysian Rangers, Police Field Force (PGA) sereta Border Scouts. Kena nangkup munsuh nya Perintah Malaysia di Sarawak numbuhka mayuh pelan ngentrol sekeda tempat ari Jalai Kuching-Serian Bagi Kesatu Sarawak ba taun 1965. Genturung pendiau tu dikelingi dawai duri sebaka enggau Genturung Pendiau baru tauka disebut Skim Puru maya Emergensi Malaya. Pelan Briggs nya mujur nagang gerila Gerempung Komunis Sarawak (SCO) bulih bantu pemakai enggau perengka perang ari mensia mayuh. Berindik ari Penyarut 13 Mei 1969, semua raban komunis dibuai ari parti SUPP lalu ngujungka parti nya begempung enggau Parti Bumiputera (PBB, SNAP) ti merintah Sarawak dalam Kunsil Nengeri.

Oleh HARRY USUP UMBAR